Een woonwijk met groene daken en zonnepanelen. Een vrouw zit naast een zonnepaneel en lacht naar de camera.

Accion pa Clima

E crisis di clima ta exigi accion imediatamente. Nos ta traha duru pa radicalmente hasi e sociedad y economia sostenibel. Ariba un manera honesto, esunan cu por hasi mas ta encarga cu tareanan mas pisa. Esaki tambe ta exigi  curashi y ambicion. GroenLinks kier pa Zwolle encabesa clima y pa nos ciudad ta ya pa 2030 neutral encuanto clima.

E 4 anyanan cu GroenLinks tabata den coalicion tabata hopi efectivo pa loke ta trata clima pa Zwolle. Nunca prome a wordo tanto asina inverti den conservacion y adaptacion den clima. Asina nos por a logra un bon fundeshi pa aumenta e transicion di energia. E urgencia ta enorme y e 8 anyanan cu resta ta bai ta crucial, pesey mester di mucho mas pa  acelera nos mes pa asina logra nos metanan.

Zwolle mester continua den prevencion den cambio di clima. Nos mester di mas sosten di gobierno di Reino. Na Zwolle tin hopi conocimento ariba e tema aki y hunto nos por tuma pasonan grandi. Asina nos por logra hasi nos casnan comodo, mas barata y mas importante cu e verwarming cu ta tene nos calor na un manera sostenibel. Nos ta propone trabao ariba e tereno aki (“groen”), di mecanico te cu ingeneria.

Nos ta apoya iniciativonan local pasobra ta masha importante pa nos ciudadanonan mes ta informa y por traha ariba isolacion di nan casnan of por cumpra panelnan solar. Pa esnan cu kier pero nan mes no por nos por duna guia. Tur hende mester por participa den e transicion di energia. E crisis di clima nos por combati solamente ora nos hasi esaki huntu y sinceramente.

Biba den un cas pagabel den un bario berde

Di un mercado cu tabatin necesidad di vivenda pa un mercado di cas di pueblo pagabel.

Un dak ariba bo cabez ta un derecho fundamental y un necesidad basico. GroenLinks ta representa un bon bida den un dushi bario, na unda tin hopi mata, lugarnan pa hunga, tienda y actividad. Zwolle, mescos cu henter Hulanda, ta meimei di un crisis di cas. Tin listanan largo di espera pa casnan di huur. Cas pa cumpra no tin hopi y si tin mes nan ta resulta di ta masha caro. Pa studiantenan, esnan cuminsando nan bida, hendenan di edad grandi of esnan cu entrada abou of di poco recurso ta mas dificil pa haya un cas adecua. Invercionistanan a hasi nan mes mas rico pero e sociedad pober. Esaki ta exigi pa bin cu ‘un comision di gobierno’ cu ta tuma cuenta y accion.

Bo cas ta bo hogar y di mesun importancia ta cu e ta den un bario berde, activo y saludabel. GroenLinks lo traha duru pa casnan adecua den e sortonan di bario asina. E anyanan benidero lo nos construi mas cas den Zwolle. Dor di construccion cu yama “flexwonen” lo yega mas lihe na un solucion pa e urgencia di bibienda. E flexwonen ta referi na e diferente momentonan den un bida di hende: hoben, of di edad, studiante, soltero of cu partner, cu of sin yiu. Pa facilita e urgencia di cas nos ta inplementa un guia dependiendo di bo necesidad  basa ariba bo momento den bo bida.

Casnan no ta wordo traha den naturalesa, pero mas tanto den areanan ya existente na unda tin lugar pa tienda, parque, deporte, cultura y lugarnan pa e muchanan chikito por hunga. Barionan na unda por biba un dushi bida.

Een gezin voor een woonhuis
In een bosrijke omgeving plukt een man fruit uit een boom

Un Zwolle berde pa su habitantenan, su bestianan y su naturalesa

Naturalesa cerca di un y tur. Matanan grandi y chikito, flor, maribombo, barbuleta y e otternan ta juda forma condicion pa nos calidad di bida. Un comunidad berde ta saludabel pa nos tur. E ta yuda e ciudad na adapta na e cambio di clima y alabes ta yuda abo mentalmente. Nos a experiencia esaki den temponan di lockdown cu hendenan tabata bai keiro rond. Ta pa e motibonan aki cu GroenLinks ta zorg pa berde paden y pafo di stad.

Nos habitantenan stima nan berde y blauw. Nos ta disfruta di tur e berde rond di nos stad, den parquenan como Weezenlandenpark y nos bunita Engelse Werk, e Westerveldse bos, lugarnan blauw rond di e riw IJssel. GroenLinks kier proteha y cultiva, y asina sostene e lugarnan aki. Nos ta orguyoso cu den e temporada aki nos por a yuda mantene “de Nooterhof” y na unda nos ta bai percura pa mas educacion encuanto naturalesa y medio ambiente den futuro.

GroenLinks kier logra mas pa e medio ambiente y pa tin mas areanan berde den y rond di stad. Laga nos cambia e mosaiconan for di nos jardin pa diferente sorto di mata, berdura of specerij. Esaki ta bon pa bo salud mental pero tambe pa e insectonan. GroenLinks ta zorg pa mas palo den stad y nos kier mas parkenan pa asina nos combati calor y  tambe nos tin cu acomoda/acumula awa ora di yobida largo y of duro.

Transporte sostenibel pa un ciudad saludabel

Mas espacio publico pa hende na pia of ariba bicicleta den ‘Zwolle Wereldfietsstad’.

Tur hende merece un bisindario saludabel y sigur incluyendo aire fresco. E lugarnan publico nos ta balora como sitionan di encuentro, pa hasi ehercicio y diverti pa un par di oras of pa por orienta bo mes. E desperdicio di gas di auto ta malo pa e calidad di aire pafo y dus tambe pa nos salud.

Auto ta tuma mucho espacio. Tanto ora nan ta core of ora nan ta staciona. E accidentenan cu victima  ta encera semper cu auto. Muchanan no por hunga sigur pafo of bai independientemente school ariba nan bicicleta. E metodo STOP lo wordo implementa den e procedura di transporte. Esaki ta duna prioridad como sigiuente: S ta pa hendenan na pia, sigi pa esnan ariba bicicleta, pa despues esnan cu ta usa transporte publico y por ultimo tur uso di auto. (S= Stappen / T=Trappen / O=Openbaar Vervoer / P=Personenwagens).

Zwolle tin un funcion central y tambe ta un coneccion di trein di masha importancia. Pa e motibonan aki nos ta keda inverti den tranporte publico y den vecindario di stacion di trein. Ora nos ta biba ariba distancia cu por usa bicicleta pa bai trabao of si nos ta biba cerca na unda por coi trein of bus pa trabao, nos lo no usa e auto mucho mas. Pesei cu GroenLinks ta insisti pa tin e miho caretera pa bicicleta y pa peatonnan y tambe pa miho coneccion di bus y trein. GroenLinks ta scohe pa cana, core bicicleta, usa transporte publico y comparti di transporte. Auto nos ta laga pafo di e stad pa mas aire fresco pa nos salud den stad.

Een fietsstuur met daaronder het fietspad
Een jonge en een oude vrouw zitten samen aan tafel en lachen naar elkaar

Tur habitante di Zwolle ta participa

GroenLinks kier pa na Zwolle un y tur por participa. Unda bo a nace, ki sexo bo ta of bo cultura no ta di importancia. Nos tur cu ta biba den e stad aki ta un Zwollenaar. Nos prioridad ta pa un y tur hanya un oportunidad den bida igual manera tur otro.

Hopi hende tin problema cu nan sosten. Un trabao fiho cu entrada ta un ideal pa hopi di nos. Tin hende ta solicita hopi biaha sin hanya trabao aunke cu tin trabao y doñonan di trabao cu mester di bon trahado. E crisis di Corona a demostra nos e consequencianan di hiba un gobernacion derecho liberal.  Ta doloroso pa wak con delicado e situacion di hopi hende ta y con grandi nan inseguridad.

Ainda tin mas cu 2000 mucha di Zwolle ta lanta den famia cu entrada minimo. Aki na Zwolle tin como 6.100 famia cu mester sobrebibi pa temponan largo cu un entrada minimo of di onderstand.

Hopi di e personanan aki a experencia bida mas pisa atrobe den e tempo di crisis. Nan ta esnan cu manera nos ta bisa cu tin un entrada minimo, ta traha cu un contract di -0- ora (dus on-call). Ta e comersiante chikito cu no tin mucho moda pa spaar. Pa logra hasi e disigualdidad aki mas chikito nos no  mester pensa ‘ta bo mesun responsabilidad’, pero esaki ta un problema cu nos mester soluciona hunto. Pa hendenan no hayanan mes pa temporadanan largo den pobresa of cu mucho gasto lo nos inicia ariba un guia di prevencion, sosten pa logra haya trabao y si mester of si tin gran interes por yuda pa bai school (bek) pa studia of sigui un curso pa un profecion nobo. Esaki ta exigi un otro papel di nos gobernacion: nos lo stimula na luga di controla, nos lo pone e  persona dilanti nos central.

Tur hende por haya nan mes den pobresa. GroenLinks kier trata pobresa directamente, di inicio. Den Zwolle nos tin hopi organisacionnan cu ta traha hunto cu nos den un pacto cu yama Zwolle Sin Pobresa (Zwolle Armoedevrij). Hunto nos ta busca maneranan pa combati pobresa. Nos ta orguyoso cu e colaboracion aki.

CUIDO (MEDICO) Y SOSTEN CU ACCESO MAS FACIL

GroenLinks ta pa cuido y sosten bon pa tur habitantenan di Zwolle cu mester di esakinan. Zwolle ta un stad social, unda hendenan ta cuminda y yuda otro ora mester y na unda y manera cu por. Zwolle tin e total mas halto di boluntarionan na Hulanda. Esaki ta duna un bon fundeshi den nos sociedad.  Esaki GroenLinks kier hasi ainda mas fuerte, asina cu dor di preveni of dor di pre-indentifica nos por percura pa hendenan haya cuido of tratamiento mas tempran cu por. Asina e situacion no mester empeora y no mester di cuido of sosten mas pisa pa mas largo.

Den e temporada anterior pasonan grandi a wordo tuma pa organisa cuido y sosten pa mas miho y tambe pa mas accesibilidad. GroenLinks tin entendi di inverti mas den barionan unda hendenan/bisinjanan tin atencion pa otro y ta yuda otro boluntariomente. Na unda bida, educacion y trabao ta bai man den man cu cuido y sosten. Asina nos ta hasi Zwolle saludabel, nos ta preveni cu probleman ta acumula y nos ta mantene cuido pagabel.

No tur hende por yuda nan mes of tin un bon red social. Den un necesidad di cuido of sosten esaki mester ta posibel, cu atencion berdadero, dor di un boluntario of un professional. Nos kier ofrece un ayudo pero tambe un perspectiva nobo pa futuro. Pa logra esaki GroenLinks ta pa un colaboracion cu y entre organisacionan di cuido den e region di Zwolle.

“ GroenLinks ta pa cuido y sosten bon pa tur habitantenan di Zwolle cu mester di esakinan. ”

Cuidad Activo

Arte ta emociona, deporte ta movishon, Zwolle ta bibo! Pa GroenLinks cultura, deporte y eventonan ta fundeshi pa un ciudad cu ta stimula, bibo y activo. Accesibel pa cada ciudadano cerca di cas y for di jong caba.

Arte y cultura ta conecta, ta inspira, ta bo reflexion, ta hasi hende alegre y ta pone nan pensa y sonja. Nan ta casi manera e prome necesidad di bida. Zwolle como stad di cultura ta bibo. Despues di un par di anyas dificil, arte y cultura ta haya mas posibilidad. Tin un konseho nobo pa e stad y tin mas finansa disponibel pa cultura. GroenLinks kier sigi logra mas y continua di re-enforza esaki. E ciudad mester vibra cu sorpresa.

GroenLinks ta orguyoso ariba nos coneccion cu e grandinan den cultura, e artistanan, iniciativonan chikito, lugarnan pa sinta pensa, inventa y inova, nos talentonan hoben di nos stad.

Tambe Zwolle ta un stad di deporte. Mas y mas hende ta hasi deporte den aire liber. Aserca ta bon cu tin tambe clubnan di diferente actividadnan cu ta creciendo.

GroenLinks ta stimula deporte den tur forma y caracter. Na Zwolle tin hopi facilidad pa un i tur.

Een concert met muzikanten op het podium
Een groep mensen met een regenboogvlag en regenboogattributen

Zwolle di un y tur

GroenLinks ta representa un ciudad na unda tur hende ta sinti su mes bonbiní, mag di ta su mes i cu por participa. No importa bo religion, ken bo ta stima of unda bo a nace. Anos ta pone e forza di encuentro y Papiamento dilanti pa asina comprende otro mas miho, bira consciente di prehuicio pa asina evita discriminacion. Nos ta biba hunto, nos ta respecta otro esaki kiermen cu tin espacio pa diferente opinion, si bo ta biba akinan recientemente of pa tempo largo caba. Tur hende tin derecho ariba nan propio opinion cu respect pa esun di otro.

Zwolle ta di nos tur y pesey cu e gobierno local mester ta util y accesibel. E gobierno ta unda bo ta bai cu bo preguntanan pa ayudo pa asina bo por juda bo mes i sigi ta positivo. Gobierno ta interesa den iniciativonan y ideanan di su habitante y ta zorg pa hoben y esnan di  mas edad papia y dicidi huntu over e futuro di nos dushi Zwolle.